„Maður þarf svolítið að hafa fyrir því að fá sæti við borðið“ Upplifun kvenkyns millistjórnenda af fjarvinnu

Í þessari rannsókn var upplifun kvenkyns millistjórnenda af fjarvinnu og áhrifum hennar á starfsþróun til skoðunar, ásamt því að fá innsýn í hvaða áhrif þær telja að fjarvinna gæti haft á framgang í starfi. Notast var við eigindlega aðferðafræði þar sem tekin voru viðtöl við 12 konur sem gegna stöðu millistjórnenda og hafa starfað í fjarvinnu á síðastliðnum tveimur árum. Helstu niðurstöður eru þær að konurnar höfðu almennt jákvætt viðhorf gagnvart fjarvinnu. Þá töldu þær hins vegnar að fjarvinna gæti haft neikvæð áhrif á starfsþróun að því leyti að starfsánægja yrði minni vegna einangrunar og einmanaleika. Þá töldu þær að fjarvinna gæti einnig haft slæm áhrif á framgang í starfi vegna minni sýnileika og lítilli tengslamyndun við samstarfsmenn og yfirmenn. Hins vegar töldu konurnar óformlega fjarvinnu þar sem þær vinna heima eftir hentugleika geta haft jákvæð áhrif á bæði starfsþróun og framgang. Þær náðu betri afköstum heima í vissum verkefnum og þurfa ekki að missa daga úr vinnu vegna t.d. veikinda barna eða frídaga í skóla hjá börnunum